ဒေါ်နီနီနွယ် (San Francisco) လျှောက်ထားသော မေးခွန်းမှာ---
အိမ်ထောင်မရှိ၊ မျိုးဣတ္ထိ၊ ပြုဘိ လိုဆန္ဒ၊
ရဟန်းမယ်တော်၊ တော်, မတော်၊ မိန့်တော်မူပါ့ဘုရား။
အမေး။ ။အရှင်ဘုရား… တပည့်တော်မ, ရိုသေလေးမြတ်စွာ လျှောက်ထားမေးမြန်းလိုပါသည် ခွင့်ပြုတော်မူပါဘုရား။
ရဟန်းတစ်ပါးအား သိမ်ထပ်ရဟန်းအမတစ်ယောက် ဖြစ်လာရန်
မည်ကဲ့သို့သော အင်္ဂါရပ်များနှင့် ပြည့်စုံရပါသလဲဘုရား? သတ်မှတ်ချက်များ ရှိပါသလားဘုရား?
တပည့်တော်မ၏ သူငယ်ချင်များ ပြောကြသည်မှာ အမျိုးသမီးများအနေနဲ့ လူလွတ် အိမ်ထောင်မရှိသောကြောင့် ရဟန်းဒကာမအဖြစ် မိမိအောက်ငယ်သော ရဟန်းအားဖြစ်စေ, သက်တူရွယ်တူ ရဟန်းအားဖြစ်စေ, မိမိထက်ကြီးသော ရဟန်းအားဖြစ်စေ သိမ်မထပ်ကောင်းဟု ပြောဆိုနေကြပါသည။်
အရှင်ဘုရားမှ တပည့်တော်တို့ နားလည်အောင် ရှင်းပြပေးပါရန် ရိုသေလေးမြတ်စွာ လျှောက်ထားအပ်ပါသည်ဘုရား။
အဖြေ။ ။ ဒေါ်နွယ်နီရဲ့မေးခွန်းနှင့်ပါတ်သက်၍ ရဟန်းတစ်ပါးအား သိမ်ထပ် ရဟန်းအမတစ်ယောက်ဖြစ်လာရန် မည်သည့် သတ်မှတ်ချက်မျှမရှိပါ။
သိမ်ထပ် ရဟန်းအမအဖြစ်ခံယူလိုတဲ့ အိမ်ထောင်မရှိ အမျိုးသမီးအနေနဲ့ မိမိထက် အသက်ကြီး, အသက်ငယ်, အသက်ရွယ်တူဖြစ်သောရဟန်းအား သိမ်မထပ်ကောင်းဘူး လို့ မည်သည့် ကျမ်းဂန်, မည်သည့် အဆိုအမိန့်မျှမရှိပါ။
အထူးသဖြင့် သိမ်ထပ်ပေးလိုတဲ့ ရည်ရွယ်ချက်တော့ မှန်ဖို့လိုပါတယ်၊ ရဟန်းဒကာ ဒကာမတွေအနေနဲ့ မိမိတို့ ရဟန်းအပေါ်မှာ သံယောဇဉ်ပိုတတ်တယ်၊ သတိထားပါ၊ သီလသိက္ခာ ကောင်းစွာထိန်းသိမ်းလျက် သာသနာတော်ကို စည်ပင်တိုးတက်အောင် တတ်နိုင်သမျှ ဆောင်ရွက်နိုင်တဲ့ ရဟန်းကို သိမ်ထပ်ပြီးပစ္စည်းလေးပါးဖြင့် လှူဒါန်းစောင့်ရှောက်အားပေးနိုင်လျှင် ရဟန်းဒကာ ဒကာမတွေမှာ အကျိုးများပေမဲ့ သီလသိက္ခာကိုလည်း ကောင်းစွာ မထိန်းသိမ်းပဲ သာသနာတော်ကိုလည်း ဆုတ်ယုတ်အောင် ပြုမူတတ်တဲ့ရဟန်းမျိုးကို အားပေးမိလျှင်တော့ အဆိပ်ပင်ရေလောင်းမိသလို အကျိုးမဲ့လျက် သံယောဇဉ်ကြောင့် ဒုက္ခပိုတတ်ပါတယ်။
ရဟန်းရဲ့ ကံထပ်ခြင်း, သိက္ခာထပ်ခြင်းနှင့် ပတ်သက်၍ သာသနာတော်နှစ် ၂၁၉၁-ခုနှစ်, ကောဇာသက္ကရာဇ် ၁ဝဝ၉-ခုနှစ်တွင် ရေးသားအပ်သော “ဝိနယာ လင်္ကာရဋီကာ (ဒုတိယအုပ်၊ စာမျက်နှာ ၂၇ဝ)”မှာ---
“လောကဝယ် အဘိသိက်သွန်းအပ်ပြီးသောမင်းကို ထပ်ကာထပ်ကာ အဘိသိက်သွန်းခြင်း၌ အပြစ်မမြင်ကြ၊ အမှန်စင်စစ် အဘိသိက်သွန်းခြင်း၏ အစွမ်းအာနုဘော်ကြောင့် တန်ခိုးကြီးခြင်းစသော အကြောင်းတို့ဖြင့် အကျိုးအာနိသင်ကိုသာ မြင်ရသည်။
သာသနာတော်ဝယ် စေတီကိုဖြစ်စေ, ဆင်းတုတော်ကိုဖြစ်စေ, ပြုဖွယ်ကိစ္စပြီးဆုံးသောအခါ "အနေကဇာတိသံသာရံ"စသော ဘုရားစကားတော်တို့ဖြင့် ဗုဒ္ဓါဘိသေကမင်္ဂလာကိုပြုကြသော သူတို့သည်သာ ထပ်ကာထပ်ကာ ပြုခြင်း၌ အပြစ်ကိုမမြင်ကြပါ၊ အတိုင်းထက်အလွန်တန်ခိုးကြီးခြင်း, အာနုဘော်ကြီးခြင်းစသော အကျိုးအာနိသင်ကိုသာ တွေ့မြင်ကြရသောကြောင့် ထပ်ကာထပ်ကာ အနေကဇာတင်မင်္ဂလာကို ပြုကြသည်သာ။
အလားတူပင် ဥပသမ္ပဒါကံဆောင်သော ရဟန်းကိုလည်း တစ်ဖန် ညဥပသမ္ပဒါကမ္မ၀ါစာ ရွတ်ဖတ်ရာ၌ အပြစ်ကိုမမြင်ကြပါ၊ ရှေးကပြုခဲ့သောကံ၌ ရဟန်း ဖြစ်ကြောင်း အင်္ဂါငါးပါးတို့ တစ်ပါးပါးမပြည့်စုံခဲ့သော် ကံပျက်သည့်အတွက် ယခုထပ်မံ ပြုအပ်သောကံဖြင့် အင်္ဂါပြည့်စုံသွားလျှင် ကံပြည့်စုံခြင်းသာဖြစ်ခြင်း, ရှေးကပင် ကံပြည့်စုံပြီး ဖြစ်ခဲ့လျှင်လည်း မြဲမြံခိုင်ခန့်ခြင်းဟူသော အကျိုးအာနိသင်ကို မြင်ကြရသောကြောင့် ထပ်ကာထပ်ကာပြုကြကုန်၏'' ဟု တောင်ဖီလာဆရာတော်ဘုရားကြီးက ရေးသားတော်မူခဲ့ပါတယ်။
ဒါကြောင့် မိမိတို့ကံထပ်ပေးတဲ့ ရဟန်းကို အမှီပြု၍ ကောင်းကျိုးများ တိုးပွားစေနိုင်ကြပါတယ်။
ဆရာတော် ဦးဇောတာလင်္ကာရ
ဓမ္မာနန္ဒ ဝိဟာရ
ဟာ့ဖ်မွန်းဗေးမြို့
No comments:
Post a Comment