ဦးထွန်းရွှေ (ခရမ်းခြံရွာ) တန့်ဆည်မြို့နယ်၊ စစ်ကိုင်းတိုင်းရဲ့ လျှောက်ထားသော မေးခွန်းများမှာ---
တစ်ထောင့်ငါးရာ၊ ကိလေသာ၊ တွက်ကာ ပြတော်မူ။
အမေး။ ။(ဃ) တစ်ထောင့်ငါးရာ (၁၅ဝဝ)-ကိလေသာ၏သရုပ်ကို ရှင်းပြပေးပါဘုရား။
အဖြေ။ ။ (ဃ) တစ်ထောင့်ငါးရာ ကိလေသာ ရေတွက်ပုံမှာ--
နာမ်တရား ၅၃-ပါး (နာမ်တေပညာသ) + နိပ္ဖန္နရုပ် ၁၈-ပါး (အဋ္ဌာရသ)+ လက္ခဏရုပ် ၄-ပါးတို့ကို ပေါင်းရင် ၇၅-ပါး ဖြစ်တယ်၊ ထို ၇၅-ပါးကို အဇ္ဈတ္တသန္တာန်, ဗဟိဒ္ဓွသန္တာန်ဟူသော သန္တာန် ၂-ပါးနဲ့ မြှောက်ရင် ၁၅ဝ-ဖြစ်တယ်၊ ထို ၁၅ဝ-ကို ကိလေသာ ၁ဝ-ပါးနဲ့ မြှောက်ရင် ၁၅ဝဝ (တစ်ထောင့်ငါးရာ) ကိလေသာဖြစ်တော့၏။
(၅၃+၁၈+၄=၇၅x၂=၁၅ဝx၁ဝ=၁၅ဝဝ)။
ဆောင်ပုဒ်။ ။
နာမ်တေပညံ၊ ရုပ်နိပ္ဖန်၊ လက္ခဏံရုပ်လေး၊
သန္တာန်နှစ်ဝ၊ မြှောက်ဆင့်က၊ တရာ့ ငါးဆယ်ရေး၊
ဆယ်ကိလေသာ၊ မြှောက်ဆင့်ကာ၊ ငါးရာတစ်ထောင်တွေး။
(အခြေပြုသင်္ဂြိဟ်၊ ၄၁၉။)
မဃဒေဝလင်္ကာသစ် နိဒါန်းခဏ်း (နှာ ၁၃)၌လည်း---
နံတေပညာ၊ အဋ္ဌာရသ၊ နိပ္ဖန္နနှင့်၊ လက္ခဏလေးထွေ၊ ယင်းအနေကို၊ ကိလေဆယ်ပါး၊ မြှောက်ပွါးတုံထ၊ ခုနစ်ရာ့ငါးဆယ်၊ ပေါင်းချယ်ရေတွက်၊ သင်္ချာတွက်သား၊ မီးထက်ပြောင်ညိ၊ လောင် မချိဖြင့်၊ မိမိသန္တာန်၊ သူ့သန္တာန်ဟု၊ နှစ်တန်ပေါင်းကာ၊ ထောင့်ငါးရာကို။
(မဃဒေဝလင်္ကာသစ်။)
အဘိဓမ္မတ္ထဒီပကကျမ်း သမုစ္စည်းပိုင်း၌လည်း---
နာမ်တေပညာ၊ နိပ္ဖန္နာ၊ တည်ပါ လက္ခဏ၊
သန္တာန်နှစ်ဖြာ၊ မြှောက်ပွါးကာ၊ တရာ ငါးဆယ်ရ၊
ယင်းကို တခါ၊ ကိလေသာ၊ ဆယ်ဖြာ မြှောက်ပြန်ချ၊
တထောင့်ငါးရာ၊ ကိလေသာ၊ ထိုခါ ဖြစ်သည်ပ။
ဓမ္မသင်္ဂဏီအနုဋီကာ နိဒါနကထာအဖွင့်၌မူ ---
နာမ်တရား ၅၃-ပါး, ရူပရုပ် ၁၈-ပါး, အာကာသဓာတ်ခေါ် ပရိစ္ဆေဒရုပ် ၁-ပါး, လက္ခဏရုပ် ၃-ပါး တို့ကို ပေါင်းရင် ၇၅-ပါး (ပဉ္စသတ္တတိ)ဖြစ်တယ်၊ ထို ၇၅-ပါးကို အဇ္ဈတ္တ, ဗဟိဒ္ဓါ-ဆိုတဲ့ သန္တာန် ၂-ပါးနဲ့ မြှောက်လျှင် ၁၅ဝ-ပါး (ပညာသသတ)ဖြစ်တယ်၊ ထို ၁၅ဝ-ပါးတို့တွင် တစ်ပါးတစ်ပါး၌ ကိလေသာ ၁ဝ-ပါးစီ ရှိတဲ့အတွက် ထို ၁၅ဝ-ကို ၁ဝ-နဲ့ မြှောက်ရင် ၁၅ဝဝ (တစ်ထောင့်ငါးရာ) ကိလေသာ (ဒိယဍ္ဎ ကိလေသ သဟဿ) ဖြစ်တယ်။
(၅၃+၁၈+၁+၃=၇၅x၂=၁၅ဝx၁ဝ=၁၅ဝဝ)
နောက်တစ်နည်းမှာ---
နာမ်တရား ၅၃-ပါးတွင် ဝေဒနာစေတသိက်ကို သုခဝေဒနာ, ဒုက္ခဝေဒနာ, သောမနဿဝေဒနာ, ဒေါမနဿဝေဒနာ, ဥပေက္ခာဝေဒနာအားဖြင့် ၅-ပါးပြု၍ နာမ်တရား ၅၇-ပါး (သတ္တပညာသ) ဖြစ်တယ်၊ ထို ၅၇-ပါး၌ ရူပရုပ် ၁၈-ပါးကို ပေါင်းရင် ၇၅-ပါး (ပဉ္စသတ္တတိ) ဖြစ်တယ်၊ ထို ၇၅-ပါးကို သန္တာန် ၂-ပါးနဲ့ မြှောက်ရင် ၁၅ဝ-ပါး ဖြစ်တယ်၊ ထို ၁၅ဝ-ကို ကိလေသာ ၁ဝ-ပါးနဲ့ မြှောက်ရင် “တစ်ထောင့်ငါးရာ ကိလေသာ” ဖြစ်တယ်။
(၅၃-၁=၅၂+၅=၅၇+၁၈=၇၅x၂=၁၅ဝx၁ဝ=၁၅ဝဝ)
ဆရာတော် ဦးဇောတာလင်္ကာရ
ဓမ္မာနန္ဒ ဝိဟာရ
ဟာ့ဖ်မွန်းဗေးမြို့
No comments:
Post a Comment