ဦးဉာဏ်ရှိန် 115, Chester Ave., San Francisco လျှောက်ထားသော မေးခွန်းမှာ---
မေး။ ။ အရှင်ဘုရား---
မျက်ကာဏ်းတိုင်းဟာ၊ အဟိတ်သာ၊ ကျမ်းမှာ ဆိုသလော?
မျက်ကာဏ်းသူဟာ၊ တရားနာ၊ ရရှာနိုင်သလော?
(က) မျက်စိမမြင်သော ပုဂ္ဂိုလ်တိုင်းသည် အဟိတ်ပုဂ္ဂိုလ်ဖြစ်ပါသလား?
မျက်စိမမြင်သော်လည်း နားဖြင့် တရားနာနိုင်ပါသည်၊ တရားရနိုင်ပါသလားဘုရား?
ဖြေ။ (က) သံသေဒဇ (ပဒုမာကြာတိုက်, ကိုယ်ဝန်အညစ်အကြေး, ပန်းမှိုက်ပုပ်, ရေပုပ်စသော စိုစွပ်ရာအရပ်၌ ဖြစ်တဲ့သတ္တဝါ), သြပါတိက ( ဘဝဟောင်းမှ ခုန်လွှားခဲ့၍ ဘွားကနဲ ကျလာသကဲ့သို့ ခန္ဓာကိုယ် အထင်အရှား ဖြစ်တဲ့သတ္တဝါ) တို့မှာ စက္ခု (မျက်စိ)ဟာ ပဋိသန္ဓေခဏ၌ ဖြစ်ရိုးဖြစ်၍ ပဋိသန္ဓေခဏ၌ စက္ခု မပါလျှင် “ပဋိသန္ဓေ ကာဏ်း”လို့ ဆိုထိုက်တယ်။
ဂဗ္ဘသေယျက (အမိဝမ်းတွင်း၌ ပဋိသန္ဓေနေရတဲ့သတ္တဝါ) တို့မှာကား ပဋိသန္ဓေတည်ပြီးနောက် ၁၁-သတ္တာဟ (၇၇-ရက်)မြောက်မှ စက္ခုပသာဒဖြစ်တယ်၊ ထိုစက္ခုပသာဒဖြစ်ချိန်ကာလဝယ် စက္ခုပသာဒမဖြစ်လျှင် ပဋိသန္ဓေခဏကပင် “ကာဏ်း”လို့ ခေါ်ရတယ်၊ ထိုကဲ့သို့ ကာဏ်းသူ မျက်မမြင်ပုဂ္ဂိုလ်မျိုးကို (အဟိတ်ကုသလဝိပါက် ဥပေက္ခာသဟဂုတ်သန္တီရဏစိတ်နှင့် ပဋိသန္ဓေနေသောကြောင့်) သုဂတိအဟိတ်ပုဂ္ဂိုလ်-လို့ ခေါ်တယ်။
သို့သော် စက္ခုပသာဒ ဖြစ်ပြီးနောက် အမိဝမ်းတွင်း၌ ကိန်းအောင်းခိုက်မှာပင် ပိုးကောင်, လေစတဲ့ ဘေးရန်တို့ နှိပ်စက်မှုကြောင့် စက္ခု (မျက်စိ) ကွယ်လာသူလည်း ရှိတတ်တယ်၊ ထိုသူများတွင် အချို့မှာ ထိုထိုစက်မှုလက်မှု နှုတ်မှုစတဲ့ အတတ်တို့၌ ကျွမ်းကျင်ရကား အဟိတ်စိတ်ဖြင့် ပဋိသန္ဓေတည်လာသူ-လို့ မဆိုနိုင်, ဒွိဟိတ် တိဟိတ်ပုဂ္ဂိုလ်လည်း ရှိထိုက်တယ် ၊ မျက်စိ မမြင်သော်လည်း တိဟိတ်ပုဂ္ဂိုလ်ဖြစ်လျှင် တရားရနိုင်ပါတယ်။
ဆရာတော် ဦးဇောတာလင်္ကာရ
ဓမ္မာနန္ဒ ဝိဟာရ
ဟာ့ဖ်မွန်းဗေးမြို့
(ကာဏ်း-ကန်း)
No comments:
Post a Comment