သံဝေဂဉာဏ် ဖြစ်ပေါ်ရန် ရှစ်တန် ဤတရား---

သံဝေဂဉာဏ် ဖြစ်ပေါ်ရန် ရှစ်တန် ဤတရား

အဋ္ဌ မဟာသံဝေဂဝတ္ထူနိ နာမ ဇာတိ ဇရာ ဗျာဓိ မရဏံ စတ္တာရိ အပါယဒုက္ခာနီတိ၊ အထ ဝါ ဇာတိဇရာ ဗျာဓိမရဏာနိ စတ္တာရိ, အပါယဒုက္ခံ ပဉ္စမံ, အတီတေ ဝဋ္ဋမူလကံ ဒုက္ခံ, အနာဂတေ ဝဋ္ဋမူလကံ ဒုက္ခံ, ပစ္စုပ္ပန္နေ အာဟာရပရိယေဋ္ဌိမူလကံ ဒုက္ခ’န္တိ။ 

(ခုဒ္ဒကပါဌအဋ္ဌကထာ၊ မေတ္တသုတ်အဖွင့်၊ ၂ဝ၁။ သုတ္တနိပါတ်အဋ္ဌကထာ၊ ၁၊ ၁၇၇-၁၇၈။)

အဋ္ဌ မဟာသံဝေဂဝတ္ထူနိ နာမ- ရှစ်ပါးသော မဟာသံဝေဂဝတ္ထုတို့မည်သည်ကား၊ ဇာတိ- ပဋိသန္ဓေနေခြင်း လည်းကောင်း၊ ဇရာ- အိုခြင်းလည်းကောင်း၊ ဗျာဓိ- နာခြင်းလည်းကောင်း၊ မရဏံ- သေခြင်းလည်းကောင်း၊ စတ္တာရိ-လေးပါးကုန်သော၊ အပါယဒုက္ခာနိ- အပါယ်ဆင်းရဲတို့လည်းကောင်း၊ ဣတိ- ဤသို့၊ ဘဝန္တိ-ဖြစ်ကုန်၏။ အထ ဝါ- တနည်းသော်ကား၊ ဇာတိဇရာဗျာဓိမရဏာနိ-ဇာတိ ဇရာ ဗျာဓိ မရဏဟု ဆိုအပ်ကုန်သော၊ စတ္တာရိ-လေးပါးတို့ လည်းကောင်း၊ ပဉ္စမံ-ငါးခုမြောက်သော၊ အပါယဒုက္ခံ- အပါယ်ဆင်းရဲလည်းကောင်း၊ အတီတေ- အတိတ်ဘဝ၌၊ ဝဋ္ဋမူလကံ- ဝဋ်ဆင်းရဲ၏အကြောင်းရင်းဖြစ်သော၊ ဒုက္ခံ- ဆင်းရဲလည်းကောင်း၊ အနာဂတေ- အနာဂတ်ဘဝ၌၊ ဝဋ္ဋမူလကံ- ဝဋ်၏အကြောင်းရင်းဖြစ်သော၊ ဒုက္ခံ-ဆင်းရဲလည်းကောင်း၊ ပစ္စုပ္ပန္နေ- ပစ္စုပ္ပန်ဘဝ၌၊ အာဟာရပရိယေဋ္ဌိမူလကံ- အာဟာရကို ရှာမှီးခြင်းလျှင် အကြောင်းရင်းရှိသော၊ ဒုက္ခံ- ဆင်းရဲလည်းကောင်း၊ ဣတိ- သို့၊ (ဘဝန္တိ-ကုန်၏)။

သံဝေဂ ၈-ပါး။   ။ 

(၁) ပဋိသန္ဓေနေခြင်း, (၂) အိုခြင်း, (၃) နာခြင်း, (၄) သေခြင်း, (၅, ၆, ၇, ၈) အပါယ်လေးပါး။

နောက်တနည်း သံဝေဂ ၈-ပါး

သီလနှင့် သမာဓိကို အခြေခံရုံသာမက လောကကြီး၌ 

ငြီးငွေ့သော သံဝေဂဉာဏ် ထက်သန်လာအောင် 

(၁) အမိဝမ်း၌ ဆယ်လညောင်းမျှ အောင်းခဲ့ရပုံ၊   လူ့ပြည်လူ့ရွာ၌

(၂) အိုရပုံ,

(၃) နာရပုံ,

(၄) သေရပုံ၊   ထိုသို့သေရပြီးနောက်

(၅) လူအများစုက အပါယ်လေးပါးသို့ ရောက်ကြရပုံ၊        

(၆) အတိတ်ဘဝများစွာတုန်းကလည်း ဤကဲ့သို့ ဝဋ်ဒုက္ခဘေးတွေနှင့် ကြုံခဲ့ရပုံ၊      

(၇) အနာဂတ်ဘဝများစွာ၌လည်း နိဗ္ဗာန်မရမချင်း ဤကဲ့သို့ ဝဋ်ဘေးဒုက္ခနှင့် ကြုံလတံ့ဖြစ်ပုံ၊

(၈) ယခုဘဝဖြစ်ဆဲမှာလည်း (ဝတ်စားနေမှုအတွက်) အာဟာရ ရှာမှီးရခြင်းကြောင့် ဒုက္ခများပုံ ဤရှစ်ပါးကို အထပ်ထပ်မြင်ကာ လောကကြီး၌ ငြီးငွေ့မှုသံဝေဂကို ဖြစ်စေရသည်။

သံဝေဂဉာဏ် ဖြစ်ပေါ်ရန် ဓမ္မအလင်္ကာ

အမိဝမ်းခေါင်း၊ ဆယ်လညောင်းမျှ၊ အောင်းခဲ့ရပေ၊ 

တည်သန္ဓေနှင့်၊ လူ့ပြေလူ့ရွာ၊ ရောက်ပြန်ပါလည်း၊ 

အိုနာသေရေး၊ ဒုက္ခဘေးကြောင့်၊ စိတ်အေးကိုယ်ခိုင်၊ မနေနိုင်ခဲ့၊ 

ဆိုင်ဆိုင်ဒုက္ခ၊ ခံပြီးမှလည်း၊ များလှပါယ်ရွာ၊ ရောက်ကြရှာ၏၊ 

အတီတာရှေး၊ ဤဝဋ်ဘေးနှင့်၊ နောင်ရေးနာဂတ်၊ ဒုက္ခထပ်လိမ့်၊ 

မပြတ်ခုခါ၊ ဖြစ်တုန်းမှာလည်း၊ အစာရှာရ၊ ထိုဒုက္ခကြောင့်၊

 နေ့ညမဟူ၊ ကိုယ်စိတ်ပူ၍၊ သူသူငါငါ၊ မသက်သာသည်၊ . . . 

ရှစ်ဖြာသံဝေ ရကြောင်းတည်း။ 

(ခုဒ္ဒသိက္ခာ ဘာသာဋီကာ၊ ဝိပဿနာနိဒ္ဒေသ၊ ၅၉၇။)

ဆရာတော် ဦးဇောတာလင်္ကာရ

ဓမ္မာနန္ဒ ဝိဟာရ

ဟာ့ဖ်မွန်းဗေးမြို့