ပထိုး(ပုထိုး) စေတီဟူသည်

ပထိုး(ပုထိုး) စေတီဟူသည်

မိုမိုမုံ့မုံ့ စုံ့စုံ့မောက်မောက် စိုက်ဆောက်ပြုလုပ်အပ်သော ဝတ္ထုကို မာဂဓဘာသာအားဖြင့် “ထူပ” မြန်မာဘာသာအားဖြင့် “ပထိုး”ဟု ခေါ်ရကား ထိုထူပ=ပထိုးပြုလုပ်၍ ထားထိုက်သောပုဂ္ဂိုလ်ပင်တည်း။ လမ်းဆုံ လမ်းခွ၌ ရောက်လာသော နတ်လူအားလုံးတို့၏ ပူဇော်ရှိခိုး မြတ်နိုးပူဇော်ရာ “ပထိုး”ပြုလုပ်၍ ထားရမည်ဟု ဆိုလိုသည်။

ပုထိုးသည်ပင် စေတီ။ ။ ထိုပထိုးကို “စိတ္တီကတဋ္ဌ, မဟဂ္ဃဋ္ဌ, အတုလဋ္ဌ”စသောအနက်တို့ကြောင့် “စေတီ”ဟူ၍လည်း ခေါ်ဆိုအပ်၏။

စေတီ ၃-မျိုး

(၁) သာသီရိကစေတီ=သရီရစေတီ, ဓာတုစေတီ, ဓာတုက၊

(၂) ပရိဘောဂိက=ပရိဘောဂိယ, ပရိဘောဂစေတီ၊

(၃) ဥဒ္ဒိဿကစေတီ=ဥဒ္ဒိဿစေတီ။

ဤစေတီ ၃-မျိုးတို့တွင် သာသီရိကခေါ် ဓာတုစေတီကို ဘုရားရှင် ပရိနိဗ္ဗာန်စံတော်မူပြီးမှ စေတီပြုလုပ် ကိုးကွယ် ခွင့်ရသည်၊ ကျန်စေတီ ၂-မျိုးကိုကား သက်တော်ထင်ရှားရှိစဉ်ပင် ကိုးကွယ်ခွင့်ရ၏။

"ကတီ နုခေါ ဘန္တေ စေတိယာနီ”တိ? “တီဏိ အာနန္ဒာ”တိ။ “ကတမာနိ ဘန္တေ တီဏီ”တိ? “သာသီရိကံ, ပရိဘောဂိကံ (ပရိဘောဂိယံ-က), ဥဒ္ဒိဿက”န္တိ။ “သက္ကာ ပန ဘန္တေ တုမှေသု ဓရန္တေသု ယေဝ စေတိယံ ကာတု”န္တိ? “အာနန္ဒ သာသီရိကံ န သက္ကာ ကာတုံ၊ တဥှိ ဗုဒ္ဓါနံ ပရိနိဗ္ဗာနကာလေ သက္ကာ ကာတုံ၊ ဥဒ္ဒိဿကံ ပရိဘောဂိယဉ္စ သက္ကာ ဟောတိ၊ ဗုဒ္ဓေဟိ ပရိဘုတ္တော မဟာဗောဓိရုက္ခော ဗုဒ္ဓေသု ဓရန္တေသုပိ စေတိယမေဝါ”တိ။ (ဇာတက၊ ဋ္ဌ၊ ၄၊ ကာလိင်္ဂဗောဓိဇာတ်၊ ၂၂၉။)

စယိတဗ္ဗန္တိ စေတိယံ၊ ပူဇေတဗ္ဗန္တိ ဝုတ္တံ ဟောတိ၊ စိတတ္တာ ဝါ စေတိယံ။ တံ ပနေတံ စေတိယံ တိဝိဓံ ဟောတိ ပရိဘောဂစေတိယံ ဥဒ္ဒိဿကစေတိယံ ဓာတုကစေတိယန္တိ။ တတ္ထ ဗောဓိရုက္ခော ပရိဘောဂ- စေတိယံ၊ ဗုဒ္ဓပဋိမာ ဥဒ္ဒိဿကစေတိယံ၊ ဓာတုဂဗ္ဘထူပါ သဓာတုကာ ဓာတုကစေတိယံ။ (ခုဒ္ဒကပါဌအဋ္ဌကထာ၊ နိဓိကဏ္ဍသုတ်၊ ၁၈၈။)

မဟာပရိနိဗ္ဗာနသုတ္တေ ဒဿိတနယေနေဝ ဗုဒ္ဓါဒိကေ စတ္တာရော ထူပါရဟေ ပကာသေတွာ သရီရစေတိယံ ဥဒ္ဒိဿစေတိယံ ပရိဘောဂစေတိယန္တိ တီဏိ စေတိယာနိ ဝိသေသတော ပရိဒီပေတွာ။ (ဓမ္မပဒအဋ္ဌကထာ၊ ၂၊ ၁၆၃။)

ပရိဘောဂစေတိယဋ္ဌာနန္တိ ဧတ္ထ ပရိဘုတ္တူပကရဏာနိ နိဒဟိတွာ ကတံ စေတိယံ ပရိဘောဂစေတိယန္တိ ဒဋ္ဌဗ္ဗံ။ တိဝိဓဥှိ စေတိယံ ဝဒန္တိ ပရိဘောဂစေတိယံ ဓာတုစေတိယံ ဓမ္မစေတိယန္တိ။ တတ္ထ ပရိဘောဂစေတိယံ ဝုတ္တနယမေဝ။ ဓာတုစေတိယံ ပန ဓာတုယော နိဒဟိတွာ ကတံ။ ပဋိစ္စသမုပ္ပါဒါဒိလိခိတပေါတ္ထကံ နိဒဟိတွာ ကတံ ပန ဓမ္မစေတိယံ နာမ။ သာသီရိကံ ပရိဘောဂိကံ ဥဒ္ဒိဿကန္တိ ဧဝမ္ပိ တိပ္ပဘေဒံ စေတိယံ ဝဒန္တိ။ အယံ ပန ပဘေဒေါ ပဋိမာရူပဿပိ ဥဒ္ဒိဿကစေတိယေနေဝ သင်္ဂဟိတတ္တာ သုဋ္ဌုတရံ ယုဇ္ဇတိ။ (သာရတ္ထဒီပနီဋီကာ၊ ၁၊ ၁၇၂။)

ပရိဘောဂစေတိယဋ္ဌာနန္တိ ဧတ္ထ-ဤပါဌ်၌၊ ပရိဘုတ္တူပကရဏာနိ- သုံးဆောင်အပ်ကုန်သော အဆောက် အဦတို့ကို၊ နိဒဟိတွာ-သိုမှီး၍၊ ဝါ-ဌာပနာ၍၊ ကတံ-ပြုအပ်သော၊ စေတိယံ-သည်၊ ပရိဘောဂစေတိယံ- ပရိဘောဂစေတီမည်၏၊ ဣတိ-သို့၊ ဒဋ္ဌဗ္ဗံ-၏။ ဟိ-မှန်၏၊ စေတိယံ-သည်၊ ပရိဘောဂစေတိယံ- လည်းကောင်း၊ ဓာတုစေတိယံ- လည်းကောင်း၊ ဓမ္မစေတိယံ-လည်းကောင်း၊ ဣတိ-သို့၊ တိဝိဓံ- သုံးပါးအပြားရှိ၏ဟူ၍၊ ဝဒန္တိ-ကုန်၏။ တတ္ထ- ထိုသုံးပါးသော စေတီတို့တွင်၊ ပရိဘောဂစေတိယံ-သည်၊ ဝုတ္တနယမေဝ-ဆိုအပ်ခဲ့ပြီးသောနည်း ရှိသည်သာလျှင်တည်း။

ဓာတုစေတိယံ ပန-ကိုကား၊ ဓာတုယော-တို့ကို၊ နိဒဟိတွာ-၍၊ ကတံ-ပြုအပ်သောစေတီတည်း။ ပဋိစ္စသမုပ္ပါဒါဒိလိခိတပေါတ္ထကံ- ပဋိစ္စသမုပ္ပါဒ်အစရှိသည်တို့ကိုရေးအပ်သောစာအုပ်ကို၊ နိဒဟိတွာ-၍၊ ကတံ ပန-ပြုအပ်သောစေတီသည်ကား၊ ဓမ္မစေတိယံ နာမ-မည်၏။ သာသီရိကံ-သာသီရိကစေတီလည်းကောင်း၊ ပရိဘောဂိကံ- ပရိဘောဂိကစေတီလည်းကောင်း၊ ဥဒ္ဒိဿကံ-ဥဒ္ဒိဿကစေတီလည်းကောင်း၊ ဣတိ ဧဝမ္ပိ-ဤသို့လည်း၊ စေတိယံ-ကို၊ တိပ္ပဘေဒံ- သုံးပါးအပြားရှိ၏ဟူ၍၊ ဝဒန္တိ-ကုန်၏။ အယံ ပန ပဘေဒေါ- ဤသာသီရိက အစရှိသော စေတီအပြားသည်ကား၊ ပဋိမာရူပဿပိ-ဆင်းတုတော်၏လည်း၊ ဥဒ္ဒိဿကစေတိယေနေဝ- ဥဒ္ဒိဿက စေတီဖြင့်သာလျှင်၊ သင်္ဂဟိတတ္တာ- ရေတွက်အပ်သည်၏အဖြစ်ကြောင့်၊ သုဋ္ဌုတရံ- လွန်စွာလျှင်၊ ယုဇ္ဇတိ-သင့် လျော်၏။ (သာရတ္ထဒီပနီဋီကာနိဿယ၊ ၁၊ ၃၃ဝ-၃၃၁။)

ဇာတ်အဋ္ဌကထာ, ခုဒ္ဒကပါဌအဋ္ဌကထာ, ဓမ္မပဒအဋ္ဌကထာတို့၌လာသောပါဌ်ဖြင့် “သာသီရိက, ပရိဘောဂိက, ဥဒ္ဒိဿက-ဟူသော ဘုရားနှင့်စပ်သော စေတီ ၃-မျိုးကိုဟောတော်မူအပ်သည်၊ သာရတ္ထ ဒီပနီဋီကာ၌လာသောပါဌ်ဖြင့် "ဓမ္မစေတီ”နှင့်တကွ စေတီ ၄-မျိုးဟူ၍လည်း တနည်းမှတ်အပ်၏။

ဆရာတော် ဦးဇောတာလင်္ကာရ

ဓမ္မာနန္ဒ ဝိဟာရ

ဟာ့ဖ်မွန်းဗေးမြို့

သရဏဂုံ စွဲမြဲထုံ ကျွတ်တန်းဝင်နိုင်ပုံ---?

မြန်မာပြည်, ရန်ကုန်တိုင်း, မရမ်းကုန်းမြို့နယ်

ဒေါ်တင်စိန် (ယောဂီ)၏ လျှောက်ထားသော မေးခွန်းများမှာ---

ရတနာသုံးအင်၊ ယုံကြည်လျှင်က၊

မှန်ပင် မုချ၊ တစ်ချိန်ကျသော်၊

ဒုက္ခကုန်စင်၊ ကျွတ်တန်းဝင်နိုင်ပါသလော?

မေး။ ။ (က) အရှင်ဘုရား၊ ရတနာ (၃)ပါးကို ယုံကြည်သူအားလုံးသည် တစ်ချိန်ချိန်တွင် ကျွတ်တန်းဝင်နိုင်ပါ သလား? ဘုရား။

ရတနာသုံးအင်၊ ယုံကြည်လျှင်က၊

မှန်ပင်မုချ၊ တစ်ချိန်ကျသော်၊

ဒုက္ခကုန်စင်၊ ကျွတ်တန်းဝင်လိမ့်။

ဖြေ။ ။ (က) ရတနာ(၃)ပါးကို ယုံကြည်သူအားလုံးသည် တစ်ချိန်ချိန်တွင် ကျွတ်တန်းဝင်နိုင်ပါသည်။

တိသရဏဂမနီယတ္ထေရာပဒါန်၌ “ဝိပဿီဘုရားလက်ထက်တော်ဝယ် မျက်မမြင် မိဘနှစ်ပါးကို လုပ်ကျွေးသော အမျိုးကောင်းသားတစ်ယောက်သည် အဂ္ဂသာဝက နိသဘထေရ်ထံမှ သရဏဂုံသုံးပါးကိုခံယူလျက် အနှစ်တစ်သိန်းပတ်လုံး စောင့်ရှောက်ခဲ့သော ကောင်းမှုကြောင့် သေလွန်သည့်အခါ တာဝတိံသာနတ်ပြည်၌ ဖြစ်ရလေသည်၊ သံသရာ၌ ကျင်လည်နေရစဉ်ဝယ် လူ့နတ်စည်းစိမ်တို့ကို အကြိမ်ကြိမ် ခံစားရလျက် ငါတို့ဘုရား လက်ထက်တော်ဝယ် သာဝတ္ထိမြို့တော်၌ ပစ္စည်းဥစ္စာချမ်းသာသောအမျိုးမှာ ဖြစ်ရပြီးလျှင် ခုနစ်နှစ်သားအရွယ်တွင် သူငယ်ချင်းများနှင့်အတူ ကျောင်းတိုက်တစ်တိုက်သို့ သွားသောအခါ ရဟန္တာတစ်ပါးက ထိုသူငယ်အား တရားဟော၍ သရဏဂုံပေးလေသည်၊ သူငယ်သည် သရဏဂုံယူပြီး, မိမိ၏ရှေးဘဝ၌ ဆောက်တည်ဘူးသော သရဏဂုံကို အောက်မေ့လျက် ဝိပဿနာပွါးများသောကြောင့် ရဟန္တာဖြစ်ခဲ့လေသည်။

တိသရဏဂမနိယတ္ထေရအပဒါန်၌ တိသရဏဂမနိယထေရ်ကိုယ်တိုင် ပြန်လည်မိန့်ဆိုသော သရဏဂုံဆောက်တည်ရခြင်း၏ အကျိုးအချို့ကို ဖော်ပြရလျှင်—

ငါသည် ထိုစဉ်အခါက ဘုရားရှင်၏တပည့်မြတ်ဖြစ်သော အဂ္ဂသာဝက နိသဘထေရ်ထံမှ သရဏဂုံကို ဆောက်တည် ခံယူ၏။

ငါသည် အနှစ်တစ်သိန်းကာလပတ်လုံး သရဏဂုံကို ပြည့်စုံစွာ စောင့်ရှောက်၏၊ စုတိစိတ်ကျခါနီး ဖြစ်လတ်သော် ငါသည် ထိုသရဏဂုံကုသိုလ်ကို အောက်မေ့၏၊ ငါသည် ကောင်းစွာပြုအပ်သော ထိုကောင်းမှုကံကြောင့် တာဝတိံသာနတ်ပြည်သို့ ရောက်ရ၏။

နတ်ပြည်သို့ လားရသည်ဖြစ်လတ်သော် ကောင်းမှုကံနှင့်ပြည့်စုံသော ငါသည် ငါကပ်ရောက်ရာ အရပ်တိုင်း၌ ရှစ်ပါးသော (ချမ်းသာခြင်း၏)အကြောင်းတို့ကို ရ၏။

သရဏဂုံအကျိုး ဤရှစ်မျိုး

(၁) အရပ်ရှစ်မျက်နှာတို့၌ အပူဇော်ခံရ၏၊

(၂) ထက်မြက်သော ပညာရှိသူလည်း ဖြစ်၏။

(၃) ခပ်သိမ်းသော နတ်တို့သည်လည်း ငါ့အလိုသို့ လိုက်ရကုန်၏။

(၄) မနှိုင်းယှဉ်နိုင်သော စည်းစိမ်ကို ရ၏။

(၅) ခပ်သိမ်းသောဘဝတို့၌ ရွှေအဆင်းနှင့်တူသော အဆင်းရှိသည်ဖြစ်၍ သူတစ်ပါးတို့ နှစ်လိုဖွယ်ဖြစ်၏။ ငါ၏အကျော်အစောသည် ပြန့်နှံ့၍ တက်၏။

(၆) အကြိမ်ရှစ်ဆယ် သိကြားမင်းအဖြစ်ကို ရ၍ နတ်သမီးတို့ဖြင့် ခြံရံလျက် နတ်စည်းစိမ်ကို ခံစားရ၏။

(၇) ခုနစ်ဆယ့်ငါးကြိမ် စကြဝတေးမင်းဖြစ်ရပြီး, ပဒေသရာဇ်မင်းအဖြစ်သည်ကား မရေတွက်နိုင်။

(၈) အဆုံးဘဝဝယ် သာဝတ္ထိပြည်တွင် အလွန်ကြွယ်ဝချမ်းသာသော အမျိုး၌ဖြစ်၍ ခုနစ်နှစ်သားအရွယ် ရဟန္တာတစ်ပါးထံမှ သရဏဂုံကို ကြားနာရသောကြောင့် မိမိ၏ (အတိတ်က ဆောက်တည်ခဲ့သော) သရဏဂုံကို အမှတ်ရအောက်မေ့မိရကား တစ်နေရာတည်း၌ ထိုင်၍ အရဟတ္တဖိုလ်သို့ ရောက်၏၊ ရဟန္တာအဖြစ်သို့ ရောက်၏-ဟု မိန့်ပါသည်။

သရဏဂုံအကျိုးပြ နောက်ဇာတ်လမ်းတစ်ပုဒ်က အပဒါန်ပါဠိတော် သရဏဂမနိယတ္ထေရာပဒါန်လာ သရဏဂမနိယထေရ်၏အကြောင်း ဖြစ်၏၊ ပဒုမုတ္တရဘုရားလက်ထက်တော်ဝယ် ဟိမဝန္တာ၌ နတ်မင်းတစ်ပါးသည် အခြားသော နတ်ဘီလူးမင်းနှင့် စစ်ပြင်ချိန်တွင် ဘုရားရှင်ကြွရောက်တော်မူလျက် တရားရေအေး တိုက်ကျွေးသဖြင့် စစ်ပြေငြိမ်းခဲ့လေသည်၊ ထိုနတ်မင်းသည် ထိုစဉ် ဘုရားရှင်ကို ကိုးကွယ်ဆီးကပ်ခဲ့သော သရဏဂုံကောင်းမှုကြောင့် လူနတ်စည်းစိမ် ကြိမ်ဖန်များစွာ ခံစားရလျက် ငါတို့ဘုရားရှင်လက်ထေက်တော်ဝယ် သရဏဂမနိယထေရ်အမည်ဖြင့် ရဟန္တာ ဖြစ်ခဲ့လေသည်။

ဆရာတော် ဦးဇောတာလင်္ကာရ

ဓမ္မာနန္ဒ ဝိဟာရ

ဟာ့ဖ်မွန်းဗေးမြို့

စေတီထိုက်သူ ၄-ဦး

ထူပါရဟ= စေတီထိုက်သူ ၄-ဦး

စတ္တာရောမေ ဘိက္ခဝေ ထူပါရဟာ။ ကတမေ စတ္တာရော? တထာဂတော အရဟံ သမ္မာသမ္ဗုဒ္ဓေါ ထူပါရဟော၊ ပစ္စေကဗုဒ္ဓေါ ထူပါရဟော၊ တထာဂတသာဝကော ထူပါရဟော၊ ရာဇာ စက္ကဝတ္တီ ထူပါရဟော။ ဣမေ ခေါ ဘိက္ခဝေ စတ္တာရော ထူပါရဟာတိ။

(အင်္ဂုတ္တိုရ်ပါဠိတော်၊ စတုက္ကနိပါတ်၊ ထူပါရဟသုတ်၊ ၅၆၇။)

ဘိက္ခဝေ- ချစ်သားရဟန်းတို့၊ ထူပါရဟာ- စေတီတည်ထား ပူဇော်ထိုက်သော ပုဂ္ဂိုလ်တို့သည်၊ ဣမေ စတ္တာရော- ဤလေးဦးတို့တည်း၊ ကတမေ စတ္တာရော- အဘယ်လေးပါးတို့နည်းဟူမူ?

အရဟံ- တထောင့်ငါးရာ ကိလေသာတို့မှ ဝေးကွာတော်မူသော၊ ဝါ- လူမင်း ဗြဟ္မာမင်းတို့၏ဝပ်စင်းဦးခိုက်, အပူဇော်ခံယူတော်မူထိုက်သော၊ သမ္မသမ္ဗုဒ္ဓေါ- အမှားမပါ, မှန်စွာပိုင်ပိုင်, ကိုယ်တိုင်စထွင်, ကုန်စင်ခပင်း, ကျန်ကြွင်းမရှိ သိမြင်တော်မူသော၊ တထာဂတော- မြတ်စွာဘုရားသည်၊ ထူပါရဟော- စေတီတည်ထားပူဇော်ထိုက်၏၊

ပစ္စေကဗုဒ္ဓေါ- ပစ္စေကဗုဒ္ဓါသည်၊ ဝါ- သစ္စာလေးပါး မြတ်တရားကို သီးခြားကိုယ်တိုင် သိမြင်နိုင်သော ဒုတိယအဆင့်ဘုရားရှင်သည်၊ ထူပါရဟော- စေတီတည်ထားပူဇော်ထိုက်၏၊

တထာဂတသာဝကော- မြတ်စွာဘုရား၏တပည့် ရဟန္တာပုဂ္ဂိုလ်သည်၊ ထူပါရဟော- စေတီတည်ထားပူဇော်ထိုက်၏၊

စက္ကဝတီ- စကြာရတနာကို လည်စေတတ်သော၊ ဝါ- စကြဝတေးဖြစ်သော၊ ရာဇာ- မင်းသည်၊ ထူပါရဟော- စေတီတည်ထားပူဇော်ထိုက်၏။

ဘိက္ခဝေ ဣမေ စတ္တာရော ထူပါရဟာ ဣတိ။

ဆရာတော် ဦးဇောတာလင်္ကာရ

ဓမ္မာနန္ဒ ဝိဟာရ

ဟာ့ဖ်မွန်းဗေးမြို့

အချုပ်သမား၊ အရူးအား၊ လှူငြား ကုသိုလ်ရမည်လား---?

အချုပ်သမား၊ အရူးအား၊ လှူငြား ကုသိုလ်ရမည်လား?

မေး။ ။ (ဃ) ဘုရားတပည့်တော်သည် ရိုသေစွာ လျှောက်ထားအပ်ပါသည်ဘုရား၊ တပည့်တော်သည် ထူးထူး ဆန်းဆန်း လှူရသောအလှူကို အင်မတန် စိတ်ဝင်စားပါတယ်ဘုရား၊ အစားအသောက်ဆိုရင်လဲ စားရခဲတဲ့အစား အသောက်, ခက်ခက်ခဲခဲနဲ စားကောင်းအောင် လုပ်ရတဲ့အစားအသောက်မျိုး, ရဟန်း, သီလရှင်, မိဘမဲ့ကျောင်းက ကလေးတွေ, ငယ်ငယ်က ပညာသင်ပေးခဲ့ကြတဲ့ ဆရာ ဆရာမတွေ, သက်ကြီးရွယ်အိုတွေအား သင်္ကန်း အစား အသောက် အဝတ်အထည် အမျိုးမျိုး, ပံသုကူပစ်တာ, မမျှော်လင့်ဘဲ ကိုယ့်ရှေ့မှာ ငွေမရှိလို သေရမဲ့ ဝေဒနာရှင်မျိုး ခက်ခက်ခဲခဲနဲ့ ငွေရောလူပါ အပင်ပန်းခံပြီး ပြန်ရှင်လာရတဲ့ အလှူမျိုး အတော်များများ လှူဘူးပါတယ်၊ သစ်ပင်စိုက်လှူတာ၊ အသတ်ခံရတော့မည့် တိရစ္ဆာန်တွေကို ဝယ်ပြီး လွှတ်တာမျိုး တော်တော်များများ လှူခဲ့ဘူးပါတယ်၊ ကထိန်မဖြစ်တဲ့ ကျောင်းတွေလဲ နှစ်စဉ် ကထိန်ခင်းနိုင်အောင် လှူပေးပါတယ်၊ တပည့်တော်ကို အင်မတန်ခင်တဲ့ အဖွားက ပြောဘူးတယ်၊ အချုပ်သမားနဲ့ စိတ်ဝေဒနာရှင်အား မလှူနဲ့၊ ကုသိုလ်မရဘူးလို့ ပြောပါတယ်၊ အချုပ်ထဲ ရောက်တဲ့လူက မိုက်တဲ့လူ ရောက်တာ, လူမိုက်ကို လှူလို့ ကုသိုလ်မရဘူးလို့ ပြောပါတယ်၊ စိတ်ဝေဒနာရှင်ကို လှူရင်လဲ အလှူရှင်ကို မေတ္တာမပို့တတ်လို့ ကုသိုလ်မရဘူးလို့ ပြောပါတယ်။

တပည့်တော်က အချုပ်အနှောင်ခံရတဲ့ လူတွေကိုလဲ မုန့်ဟင်းခါးချက်ပြီး ကျွေးဘူးပါတယ်၊ တစ်နေ့တော့ တပည့်တော့်ရွှေဆိုင်ရှေ့မှာ ထိုင်ပြီး ပုတီးစိပ်နေစဉ် စိတ်ဝေဒနာရှင်တစ်ယောက် အနားမှာ လာထိုင်ပါတယ်၊ သူကိုယ်က အနံ့အသက်ကလဲ မခံနိုင်လောက်အောင် နံပါတယ်၊ ဆံပင်တွေကလဲ လိမ်ကောက် တစ်ကိုယ်လုံး ညစ်ပတ်နေပါတယ်၊ တပည့်တော်က သူ့ကို တစ်ကိုယ်လုံး သန့်ရှင်းရေးလုပ်ပေးချင်တယ်၊ လုပ်မလား?မေးတော့ ဆဲပါတယ်၊ နောက်တော့ တကယ် လုပ်ပေးမလား? မေးပါတယ်၊ တကယ်ပြောတာပေါ့လို့ ပြောတော့ သူ့ကို ရေချိုး ပေး, ဆံပင်ညှပ်ပေး ပြောပါတယ်။

တပည့်တော်လဲ စက်ကတ်ကြေးနဲ့ လှလှပပ တိုတိုလေး ဆံပင်ကို အရင်ဆုံး ညှပ်ပေးပါတယ်၊ ပတ်ဝန်းကျင်က လူတွေက လာပြီး အုံကြည့်ကြပါတယ်၊ လူတွေက အမျိုးမျိုး ဝေဖန်ကြပါတယ်၊ စိတ်ဝေဒနာရှင် အမျိုးသမီးက ဆံပင်ညှပ်ရင်း ပြောပါတယ်၊ ကျွန်မလက်ထဲမှာ ပိုက်ဆံ တစ်ပြားမှ မရှိပါဘူး၊ တကယ်လို့ရှိရင်လဲ ဘယ်ဆံပင်ညှပ်ဆိုင်မှ လက်ခံပြီး ညှပ်ပေးမှာ မဟုတ်ဘူး၊ အန်တီညှပ်ပေးတာကို ကျေးဇူးတင်ပါတယ်လို့ ပြောပါတယ်၊ တပည့်တော် ဆံပင်ညှပ်ပြီး ရေချိုးခန်းထဲထည့်ပြီး တစ်ကိုယ်လုံး ဆပ်ပျာမွှေးနဲ့ တိုက်ပြီး ရေချိုးပေး, အဝတ်အစား သန့်တာပြန်ဝတ်ပေး, သနပ်ခါးလိမ်းပေး, သူစားချင်တဲ့ ထမင်းဟင်းကျွေး, သူသောက်ချင်တဲ့ လူပျံတော် ပတ္တမြားသွေးဆေးတိုက်ပြီး ပြန်လွှတ်လိုက်ပါတယ်။

တပည့်တော် မိသားစုက လုံးဝ မကျေနပ်ကြပါဘူး၊ အမျိုးမျိုး ပြောဆိုပါတယ်၊ တပည့်တော် ပြန်မပြောဘဲ သည်းခံပြီး စိတ်ဝေဒနာရှင်ကို အလှူလုပ်ပေးတာ (၅)ကြိမ် ရှိသွားပါပြီ၊ အဲဒီလို လုပ်ပေးတိုင်း တပည့်တော် စိတ်ချမ်းသာပါတယ်၊ ဘာမှတော့ ဆုမတောင်းမိပါဘူး၊ စိတ်ဝေဒနာရှင်ကတော့ သူ့ကို ရေလောင်းပေးတဲ့အချိန်နဲ့ ပြန်ထွက်သွားတဲ့အချိန်မှာ အန်တီကြီး ကျန်းမာပါစေ, ချမ်းသာပါစေလို့ အော်သွားပါတယ်၊ တပည့်တော်လဲ ပီတိဖြစ်ပြီး ကျန်ခဲ့ပါတယ်၊ လှူချင်တိုင်း လှူလို့မရပါဘူး၊ သူ့စိတ်ဖောက်တဲ့အချိန်ကျရင် အင်မတန် ဆိုးပါတယ်၊ စိတ်ကောင်းဝင်တဲ့အချိန်မှာသာ သန့်ရှင်းအောင် လုပ်ပေးလို့ ရတာပါ။

တပည့်တော်ကို အချုပ်သမားနဲ့ စိတ်ဝေဒနာရှင်ကို လှူတာ ကုသိုလ်ရ, မရ သိချင်ပါတယ်ဘုရား။

ဒေါ်ခင်မြအိ

အေဝမ်းရွှေဆိုင် (ရန်ကုန်မြို့)

အချုပ်သမား၊ အရူးအား၊ လှူငြား ကုသိုလ်ရပါသည်

ဖြေ။ ။ (ဃ) အချုပ်သမားနှင့် စိတ်ဝေဒနာရှင်အား လှူတာ ပြုလုပ်နိုင်ခဲတဲ့ကုသိုလ်ကို ပြုလုပ်နိုင်တာမို့ ကုသိုလ်ရ ပါတယ်၊ ပတ်ဝန်းကျင်ဝေဖန်မှုတွေကို သည်းခံကာ ပြုလုပ်ရ၍ စိတ်ဓာတ်မြင့်မားသူတို့သာ ပြုလုပ်နိုင်သော ကောင်းမှုဖြစ်ပါတယ်။ ဆုမတောင်းသော်လည်း သံသရာ၌ ကျင်လည်ရဆဲအခါမှာ ထိုအလှူခံပုဂ္ဂိုလ်မျိုးကဲ့သို့ ဖြစ်လိမ့်မည်မဟုတ်ဟု ယူဆပါတယ်။

ဥပရိပဏ္ဏာသပါဠိတော် ဒက္ခိဏာဝိဘင်္ဂသုတ်ဝယ် ဘုရားရှင်က ညီတော် ရှင်အာနန္ဒာမထေရ်အား အလှူခံပုဂ္ဂိုလ် တစ်ကျိပ်လေးကို ဟောတော်မူပါတယ်—

အလှူခံပုဂ္ဂိုလ် တစ်ကျိပ်လေးယောက်

၁။ သမ္မာသမ္ဗုဒ္ဓဘုရားရှင်၊

၂။ ပစ္စေကဗုဒ္ဓါ၊

၃။ ဘုရားရှင်၏တပည့် ရဟန္တာ၊

၎။ အရဟတ္တဖိုလ်ကို မျက်မှောက်ပြုရန် ကျင့်နေသော ပုဂ္ဂိုလ်၊

၅။ အနာဂါမ်ပုဂ္ဂိုလ်၊

၆။ အနာဂါမိဖိုလ်ကို မျက်မှောက်ပြုရန် ကျင့်နေသော ပုဂ္ဂိုလ်၊

၇။ သကဒါဂါမ်ပုဂ္ဂိုလ်၊

ဂ။ သကဒါဂါမိဖိုလ်ကို မျက်မှောက်ပြုရန် ကျင့်နေသော ပုဂ္ဂိုလ်၊

၉။ သောတာပန်ပုဂ္ဂိုလ်၊

၁ဝ။ သောတာပတ္တိဖိုလ်ကို မျက်မှောက်ပြုရန် ကျင့်နေသော ပုဂ္ဂိုလ်၊

၁၁။ သာသနာပအခါ ဝိက္ခမ္ဘနပဟာန်ဖြင့် ရာဂကို ပယ်ခွါပြီးသော ကမ္မဝါဒီ ကိရိယဝါဒီ လောကီအဘိညာဉ်ရ ပုဂ္ဂိုလ်၊

၁၂။ သီလရှိသော ပုထုဇဉ်ပုဂ္ဂိုလ်၊

၁၃။ သီလမရှိသော ပုထုဇဉ်ပုဂ္ဂိုလ်၊

၁၄။ တိရစ္ဆာန်တို့ ဖြစ်၏— ဟု လာရှိသောကြောင့်လည်းကောင်း,

ထိုပါဠိတော်, အဋ္ဌကထာတို့ကိုပင် မှီးငြမ်း၍ သုတေသန သရုပ်ပြ အဘိဓာန် (၆၄)မှာလည်း— ဒါနမှုကို ခံယူထိုက်သူ ၁၄-ပါး ဟူ၏။

(၁) တိရစ္ဆာန် သတ္တဝါ၊

(၂) လူဒုဿီလခေါ် တံငါ, မုဆိုးစသော ဒုစရိုက်မှု ပြုလုပ်သူများ၊

(၃) လူသီလဝန္တခေါ် သာသနာပအခါမျိုး၌ ၅-ပါးသီလမြဲသူများ၊

(၄) ရသေ့ ပရိဗိုဇ်ခေါ် သာသနာပအခါ ဈာန် အဘိညာဉ်ရ ပုဂ္ဂိုလ်များ၊

(၅-၈) မဂ္ဂဋ္ဌာန်ခေါ် ဖိုလ်သို့ မျက်မှောက်ပြုရန် မဂ်၌ ကျင့်ဆဲပုဂ္ဂိုလ် ၄-ယောက်။

(၉-၁၂) ဖလဋ္ဌာန်ခေါ် ဖိုလ်လေးပါး၌ တည်နေသော ပုဂ္ဂိုလ် ၄-ယောက်၊

(၁၃) ပစ္စေကဗုဒ္ဓါခေါ် ဘုရားမပွင့်မီကာလ၌ ပွင့်သော ဘုရားငယ်၊

(၁၄) မြတ်စွာဘုရားသခင်—

ဟု လာရှိသောကြောင့်လည်းကောင်း တိရစ္ဆာန်အားပင် ပေးလှူကောင်းလျှင် လူရင့်မကြီးဖြစ်သော အချုပ်သမားနှင့် စိတ်ဝေဒနာရှင်အား လှူတာ ကုသိုလ်ရ, မရ ဆိုဖွယ်ရာပင် မရှိချေ၊ ဧကန်မုချ ကုသိုလ်ရပါတယ်။

ဆရာတော် ဦးဇောတာလင်္ကာရ

ဓမ္မာနန္ဒ ဝိဟာရ

ဟာ့ဖ်မွန်းဗေးမြို့

ရေစက်မချခင် ဤသုံးအင် ကြိုတင်လျှောက်ထားပါ---

ကျေးဇူးတော်ရှင် (အဂ္ဂမဟာပဏ္ဍိတ) အဘယာရာမ ဆရာတော်ဘုရားကြီးက “ယထာ ဒါယကာ ဝဒန္တိ၊ တထာ ပဋိပဇ္ဇိတဗ္ဗံ (ဝိ၊ ဋ္ဌ၊ ၄၊ ၉၇)” စူဠဝဂ္ဂါဒိအဋ္ဌကထာစကားအရ ကျောင်းလှူသူ ဒကာ+ဒကာမတို့အား နားလည်အောင် ပြောပြပေးရမည်ဟု မိန့်တော်မူခဲ့ပါတယ်။

(၁) ကျောင်းဒကာ, ကျောင်းအမတို့က “သံဃာတော်အရှင်သူမြတ်တို့ဘုရား တပည့်တော်များ ဆောက်လုပ်လှူဒါန်းအပ်သော ဤကျောင်းကို မဆေးရသေးသောခြေ, ဆေးပြီးသော်လည်း စိုစွတ်သော ခြေတို့ဖြင့် နင်း၍ဖြစ်စေ, ချွေးအညစ်အကြေး လိမ်းကျံတဲ့ ကိုယ်အင်္ဂါတို့ဖြင့် မှီတင်းပွတ်တိုက်၍ဖြစ်စေ ချမ်းချမ်းသာသာ အလိုရှိသလို သုံးဆောင်တော်မူကြပါဘုရား”ဟု လျှောက်ထားခြင်း။

(၂) ဝိနည်းကံအားလျော်စွာ အန္တောဝုတ္ထ အန္တောပက္က အပြစ်ဘေးမှ ကင်းလွတ်၍ ရဟန်း သံဃာတော် အရှင်သူမြတ်အား သင့်လျော်လျောက်ပတ် အပ်စပ်သော ကပ္ပိယကုဋီကို ပြုလုပ်၍ သုံးဆောင်တော် မူကြပါဘုရား-ဟု လျှောက်ထားခြင်း။

(၃) ဤကျောင်းကို ဘုရားအမှူးရှိသော လက်ထက်တော် သာဝက သံဃာတော် အရှင်သူမြတ်များနှင့်တကွ ထိုထိုအရပ်မျက်နှာတို့မှ ရောက်ပြီး, ရောက်ဆဲ, ရောက်လတ္တံ့သော ဓမ္မမွေ့လျော် သံဃာတော်တို့အား နိဗ္ဗာန်ရည်မှန်း၍ လှူဒါန်းပါကုန်၏ ဘုရား- ဟု လျှောက်ထားခြင်းတို့ဖြစ်၏။

ဆရာတော် ဦးဇောတာလင်္ကာရ

ဓမ္မာနန္ဒ ဝိဟာရ

ဟာ့ဖ်မွန်းဗေးမြို့

ကြီးသူထက်မှာ ကိုယ်ရောက်တာ အပြစ်မည်သို့လာ---?

ကိုယ့်ထက်ကြီးတွေ၊ နိမ့်မှာနေ၊ ပြစ်လေ ကြီးမည်လား?

မေး။ ။ (ဂ) တပည့်တော်သည် ဘုရားရှိခိုးဖို့ အဆင်သင့်ဖြစ်ပြီဆိုရင် မောင်းတီးပြီး တရားနာယူလို့ ရနိုင်တဲ့ ပုဂ္ဂိုလ်တွေအားလုံး ပင့်ဖိတ်ပါတယ်၊ တရားနာယူလို့ မရတဲ့ပုဂ္ဂိုလ်တွေကိုလဲ ခေတ္တခဏ ဘေးကို ဖယ်ပေးပါလို့ တောင်းပန်ပါတယ်၊ ဘုရားရှိခိုးပြီးရင်လဲ လာပြီး တရားနာကြတဲ့ ပုဂ္ဂိုလ်တွေရော အားလုံးကို ကိုယ်ပြုခဲ့တဲ့ ဒါန, သီလ, ဘာဝနာ ကုသိုလ်တွေကို မောင်းတီးပြီး အမျှဝေကာ သင်တို့လိုရာ ပြန်ကြွနိုင်ပါတယ်လို့ ပြန်ပို့ပေးပါတယ်၊ တပည့်တော် ဘုရားရှိခိုးတဲ့အခါ ကုလားထိုင်အနိမ့်လေးနဲ့ ထိုင်ပြီး ရှိခိုးတဲ့အတွက် တပည့်တော် ပင့်ဖိတ်ထားတဲ့ ပုဂ္ဂိုလ်တွေထဲက ကိုယ့်ထက်ကြီးတဲ့သူတွေများပါရင် မမြင်ရတဲ့အတွက် အပြစ်များ ရှိနိုင်မလား? ငရဲများ ကြီးနေ မလား? သိချင်ပါတယ်ဘုရား။

ပူဇော်ထိုက်ရာ၊ သင့်ခန္ဓာ၊ ပြစ်မှာ မရှိပါ။

ဖြေ။ ။ (ဂ) ဘုရားရှိခိုးတဲ့အခါ ကျန်းမာရေးကြောင့် ကုလားထိုင်အနိမ့်လေးမှာ ထိုင်ပြီး ရှိခိုးစဉ် ပင့်ဖိတ်ထားတဲ့ ပုဂ္ဂိုလ်တွေထဲက ကိုယ့်ထက်ကြီးသူတွေများ ပါလာရင် မြင်ရသည်ဖြစ်စေ, မမြင်ရသည်ဖြစ်စေ အပြစ်မရှိနိုင်ပါ။

ဝိသုဒ္ဓိမဂ်, ဆအနုဿတိနိဒ္ဒေသ, ဗုဒ္ဓါနုဿတိကထာ, ဓမ္မာနုဿတိကထာ, သံဃာနုဿတိကထာ တို့၌ “ဘုရားရှင်၏ဂုဏ်တော်ကို အဖန်ဖန် အောက်မေ့ (နှလုံးသွင်း)သောသတိ၏ ကိန်းအောင်းရာဖြစ်သော ပုဂ္ဂိုလ်၏ခန္ဓာ ကိုယ်သည် စေတီအိမ်သဖွယ် ဘုရားကျောင်းသဖွယ် ဖြစ်သောကြောင့် လည်းကောင်း, တရားဂုဏ်တော်ကို အောက်မေ့သော သတိ၏ ကိန်းအောင်းရာဖြစ်သော ပုဂ္ဂိုလ်၏ခန္ဓာကိုယ်သည်လည်း စေတီအိမ်သဖွယ် ပိဋကတိုက်သဖွယ်ဖြစ် သောကြောင့်လည်းကောင်း, သံဃာ့ဂုဏ်တော်ကို အောက်မေ့သောသတိ၏ ကိန်းအောင်းရာဖြစ်သော ပုဂ္ဂိုလ်၏ ခန္ဓာကိုယ်သည်လည်း သံဃာများအညီအညွတ်စုဝေးရာ ဥပုသ်အိမ်သဖွယ်ဖြစ်သောကြောင့် လည်းကောင်း ပူဇော်ခံ ထိုက်ပါပေ၏”ဟု လာရှိသောကြောင့် ဘုရားရှိခိုးနေသော မိမိ၏ကိုယ်သည် စေတီအိမ် ဘုရားကျောင်း, ပိဋကတိုက်, ဥပုသ်အိမ်သဖွယ်ဖြစ်နေ၍ မိမိထက်ကြီးသူ/ငယ်သူ မည်သူကမဆို ပူဇော်ထိုက်သော ခန္ဓာကိုယ်ပိုင်ရှင်ဖြစ်နေပါ သည်။

ဆရာတော် ဦးဇောတာလင်္ကာရ

ဓမ္မာနန္ဒ ဝိဟာရ

ဟာ့ဖ်မွန်းဗေးမြို့

သံဃိကနေရာ သတိထားပါ---

သံဃိကနေရာ သတိထားပါ

သူစိလောမဘီလူး---

ကဿပဘုရားရှင်လက်ထက်တော်၌ ရဟန်းတပါးသည် ရပ်ဝေးမှ ပြန်လာ၍ ချွေးအညစ်အကြေး လူးလဲလိမ်းကျံနေတဲ့ ကိုယ်ဖြင့် ကောင်းစွာခင်းထားအပ်သော သံဃိကကုတင် ညောင်စောင်းကို မရိုမသေနဲ့ အခင်းမခင်းပဲ အိပ်ခဲ့ဘူးတယ်၊ အဲဒီရဟန်းဟာ သီလစင်ကြယ်ပါလျက် တရားထူးမရဘဲ အိန္ဒိယနိုင်ငံ ဗီဟာရ်ပြည်နယ် ဂယာရွာအနီး အမှိုက်များကို စွန့်ပစ်ရာအရပ်မှာ အပ်နှင့်တူတဲ့ အမွေးရှိသော “သူစိလောမ”အမည်ရှိတဲ့ ဘီလူးဖြစ်ရတယ် ။

ခရလောမဘီလူး---

ရှေးက သီလရှိတဲ့ ဒကာတဦးဟာ သူတော်ကောင်းတယောက်ဖြစ်ပါလျက် သံဃိက ကျောင်းတော်မှာ အဆန်းတကြယ် ခင်းထားတဲ့ နေရာ၌ မိမိအပေါ်ရုံကို မခင်းဘဲ လျောင်းအိပ်ခဲ့ဖူးတယ်၊ အဲဒီအပြစ်ကြောင့် အမွေးအလွန်ကြမ်းသော “ခရလောမ”အမည်ရှိ ဘီလူးဖြစ်ခဲ့ရတယ် ။

ဗိမ္ဗိသာရမင်းကြီး---

ဘုရားရှင်ရဲ့ ပဌမဆုံးကျောင်းဒကာ ဗိမ္ဗိသာရမင်းကြီးဟာ ဘုရားရှင်တရားတော်ကို နာယူရ၍ သောတာပန်ဖြစ်ရပါလျက် ရှေးက ဘုရားရင်ပြင်တော်ပေါ်ဝယ် ဖိနပ်စီးကာ သွားမိခြင်း, သံဃာတော်များထိုင်ဖို့ ခင်းထားတဲ့ သင်ဖြူးဖျာပေါ်ကို ခြေမဆေးဘဲ တက်နင်းခြင်းတို့ကြောင့် ခြေဖဝါး ဓားခွဲ၍ ဆားထည့်ထားတဲ့ ဆီဖြင့် လိမ်းကျံလျက် ရှားမီးကျီးပေါ်မှာ အကင်ခံရကာ နတ်ရွာစံခဲ့ရပါတယ်။

 ဒါ့ကြောင့် သံဃိကကျောင်းတော်များပေါ်နှင့် ဥဒ္ဒိဿကစေတီထိုက်တဲ့ ဘုရားဆင်းတုတော်များရှေ့တော်ဝယ် ဖိနပ်စီးခြင်း, မသန့်ရှင်းတဲ့ခြေ တို့ဖြင့် နင်းခြင်း, နေထိုင်ခြင်းတို့ကို မပြုလုပ်သင့်ကြောင်း သတိပေး စကား ပြောကြားပါတယ်။

ဆရာတော် ဦးဇောတာလင်္ကာရ

ဓမ္မာနန္ဒ ဝိဟာရ

ဟာ့ဖ်မွန်းဗေးမြို့